Print Friendly

ਗੁਰੂਤਾ ਸ਼ਕਤੀ ਦੀ ਜਾਣਕਾਰੀ ਦੇਣ ਵਾਲੇ ਵਿਗਿਆਨੀ

ਬੱਚਿਓ! ਜਦੋਂ ਅਸੀਂ ਕਿਸੇ ਵਸਤੂ ਨੂੰ ਆਕਾਸ਼ ਵੱਲ ਸੁੱਟਦੇ ਹਾਂ ਤਾਂ ਉਹ ਵਸਤੂ ਆਕਾਸ਼ ਵੱਲ ਤਾਂ ਹੌਲੀ-ਹੌਲੀ ਜਾਂਦੀ ਹੈ ਪਰ ਧਰਤੀ ‘ਤੇ ਵਾਪਸੀ ਸਮੇਂ ਉਸ ਦੀ ਰਫਤਾਰ ਤੇਜ਼ ਹੁੰਦੀ ਹੈ | ਇਸ ਦਾ ਕਾਰਨ ਗੁਰੂਤਾ ਸ਼ਕਤੀ ਹੈ ਜੋ ਵਸਤੂ ਨੂੰ ਆਪਣੇ ਵੱਲ ਖਿੱਚਦੀ ਹੈ |
ਗੁਰੂਤਾ ਸ਼ਕਤੀ ਬਾਰੇ ਬਹੁਤ ਸਾਰੇ ਵਿਗਿਆਨੀਆਂ ਨੇ ਚਾਨਣਾ ਪਾਇਆ ਹੈ | ਸਭ ਤੋਂ ਪਹਿਲਾਂ ਯੂਨਾਨੀ ਫਿਲਾਸਫਰ ਅਰਿਸਟੋਟਲ (384-322 ਬੀ. ਸੀ.) ਦਾ ਮੱਤ ਸੀ ਕਿ ਭਾਰੀਆਂ ਚੀਜ਼ਾਂ ਹਲਕੀਆਂ ਚੀਜ਼ਾਂ ਨਾਲੋਂ ਧਰਤੀ ‘ਤੇ ਜਲਦੀ ਡਿਗਦੀਆਂ ਹਨ ਪਰ ਗਲੀਲੀ ਗਲੀਲੀਉ (1564-1642) ਜੋ ਇਕ ਇਟਲੀ ਵਿਗਿਆਨੀ ਸੀ, ਨੇ ਸਿੱਧ ਕੀਤਾ ਕਿ ਸਾਰੀਆਂ ਚੀਜ਼ਾਂ ਇਕੋ ਹੀ ਰਫਤਾਰ ਨਾਲ ਧਰਤੀ ‘ਤੇ ਡਿਗਦੀਆਂ ਹਨ, ਜੇਕਰ ਉਨ੍ਹਾਂ ਵਿਚ ਕਿਸੇ ਵੀ ਚੀਜ਼ ਦੀ ਰੁਕਾਵਟ ਨਾ ਹੋਵੇ | 17ਵੀਂ ਸਦੀ ਵਿਚ ਪ੍ਰਸਿੱਧ ਅੰਗਰੇਜ਼ ਭੌਤਿਕ ਵਿਗਿਆਨੀ ਸਰ ਆਈਜਕ ਨਿਊਟਨ ਨੇ ਦਰੱਖਤ ਤੋਂ ਡਿਗ ਰਹੇ ਸੇਬ ਤੋਂ ਪ੍ਰੇਰਿਤ ਹੋ ਕੇ ਗੁਰੂਤਾ ਦੇ ਤਿੰਨ ਮਹਾਨ ਸਿਧਾਂਤ ਦਿੱਤੇ | ਇਸ ਤੋਂ ਬਾਅਦ ਜਰਮਨੀ ਦੇ ਐਲਬਰਟ ਆਈਨਸਟਾਈਨ (1879-1955) ਨੇ ਇਕ ਨਵੀਂ ਗੁਰੂਤਾ ਦੀ ਥਿਊਰੀ ਦਿੱਤੀ, ਜਿਸ ਵਿਚ ਉਸ ਨੇ ਦੱਸਿਆ ਕਿ ਗੁਰੂਤਾ ਸ਼ਕਤੀ ਨਾਲ ਵਾਯੂ ਮੰਡਲ ਕਿਵੇਂ ਕੰਮ ਕਰਦਾ ਹੈ | ਸੰਨ 1919 ਵਿਚ ਇਕ ਅੰਗਰੇਜ਼ ਖੂਗੋਲ ਵਿਗਿਆਨੀ ਅਰਥੁਰ ਅਡਿੰਗਟਨ (1882-1944) ਨੇ ਦੂਰ ਦੇ ਤਾਰਿਆਂ ਤੋਂ ਧਰਤੀ ‘ਤੇ ਪਹੁੰਚ ਰਹੀ ਸਿੱਧੀ ਲਾਈਨ ਵਿਚ ਰੌਸ਼ਨੀ ਜੋ ਕਿ ਸੂਰਜ ਦੀ ਗੁਰੂਤਾ ਸ਼ਕਤੀ ਕਰਕੇ ਮੁੜੀ ਹੋਈ ਸੀ, ਬਾਰੇ ਅਧਿਐਨ ਕਰਕੇ ਆਈਨ ਸਟਾਈਨ ਦੀ ਥਿਊਰੀ ਸਬੰਧੀ ਸਬੂਤ ਇਕੱਠੇ ਕੀਤੇ |
ਗੁਰੂਤਾ ਸ਼ਕਤੀ ਕਰਕੇ ਹੀ ਅਸੀਂ ਭਾਰੇ ਹਾਂ | ਚੰਦ ਦੀ ਗੁਰੂਤਾ ਸ਼ਕਤੀ ਧਰਤੀ ਦੀ ਗੁਰੂਤਾ ਸ਼ਕਤੀ ਦਾ 1/6 ਹਿੱਸਾ ਹੈ | ਸਮੰੁਦਰਾਂ ਵਿਚ ਜਵਾਰਭਾਟਾ ਚੰਦ ਦੀ ਗੁਰੂਤਾ ਸ਼ਕਤੀ ਕਰਕੇ ਹੀ ਆਉਂਦਾ ਹੈ | ਇਸ ਸ਼ਕਤੀ ਕਰਕੇ ਹੀ ਸਾਰੇ ਗ੍ਰਹਿ ਸੂਰਜ ਦੁਆਲੇ ਚੱਕਰ ਲਾ ਰਹੇ ਹਨ |
-ਲਖਵੀਰ ਸਿੰਘ ਭੱਟੀ,
8/29, ਨਿਊ ਕੁੰਦਨਪੁਰੀ, ਲੁਧਿਆਣਾ |

http://beta.ajitjalandhar.com/supplement/20130904/32.cms

Print Friendly

About author

Vijay Gupta
Vijay Gupta1097 posts

State Awardee, Global Winner

You might also like

Education World0 Comments

ਹੇਜ ਪੰਜਾਬੀ ਦਾ

ਕੁਝ ਸਾਲ ਪਹਿਲਾਂ ਜਦੋਂ ਮੇਰੇ ਸਹਿਕਰਮੀ ਪ੍ਰੀਤਮ ਸਿੰਘ ਆਈਏਐੱਸ (ਸੇਵਾ ਮੁਕਤ) ਦਾ ਉਪਰੋਕਤ ਸਿਰਲੇਖ ਵਾਲਾ ਇੱਕ ਲੇਖ ਅਖ਼ਬਾਰ ਵਿੱਚ ਛਪਿਆ ਸੀ ਤਾਂ ਉਦੋਂ ਤੋਂ ਹੀ ਮੇਰੇ ਮਨ ਅੰਦਰ ‘ਹੇਜ’ ਸ਼ਬਦ


Print Friendly
Education World0 Comments

Digital India Week (Digital Wellness Online Challenge)

The Digital Wellness Online Challenge is an initiative that aspires to make children aware of how they can maintain digital wellness by taking informed decisions and become safe, respectful and


Print Friendly
Education World2 Comments

ਮਾਤਾ-ਪਿਤਾ ਦਾ ਰੂਪ ਅਧਿਆਪਕ

ਇਸ ਧਰਤੀ ਉੱਤੇ ਜਨਮ ਲੈਣ ਮਗਰੋਂ ਮਨੁੱਖ ਹਰ ਜ਼ਰੂਰਤ ਪੂਰੀ ਕਰਨ ਲਈ ਆਪਣੇ ਮਾਪਿਆਂ ’ਤੇ ਨਿਰਭਰ ਹੁੰਦਾ ਹੈ। ਮਾਪੇ ਹੀ ਉਸ ਨੂੰ ਬੈਠਣ, ਚੱਲਣ, ਬੋਲਣ, ਰੋਟੀ ਖਾਣ, ਕੱਪੜੇ ਪਾਉਣ ਅਤੇ


Print Friendly